Tuuut tuut

Kali spera!

2010-08-04T09:50:00.001+02:00

Me nyte livet på Santorini med sol, sjø, glovarme strender og god mat! Me har dansa Zorbas dans,knust tallerkenar og sitt på solnedgangen i den flotte byen Oia! Nå e d snart på tide å vekka dei så fremdeles sove og koma seg på strandå!;-) Ha d fint hima! Opaa!:-D

Frimodig, eg?

2010-07-13T21:24:00.000+02:00

Nokon er veldig frimodige når det gjeld å snakke om Jesus. Eg vil vere det. Men eg er det ikkje. Alle kan jo ikkje vere frimodige. Eller? Jo, alle kan vere det. Eg er ei pingle, det skal eg innrømme. Når det gjeld å snakke med andre om Jesus er eg ei pingle med stor P. Eg er redd for å dumme meg ut, eg veit ikkje heilt korleis eg skal ordleggje meg. Kva om eg skremmer dei eg snakkar med vekk?

Eg prøver jo å vise nestekjærleik. Er ikkje det nok da? Eg les ei bok akkurat no som heiter "90 minutter i himmelen". Den er skriven av ein pastor som vart utsatt for ei alvorleg trafikkulykke, der han var død i 90 minuttar. I løpet av desse minuttane fekk han eit glimt av korleis det var i Himmelen. Då han lå daud i bilvraket var det ein som kom køyrande som fekk beskjed frå Gud at han skulle be for mannen, noko han gjorde. Seinare har pastoren ein samtale med denne mannen, som plutselig byrjar å gråte. Don, som pastoren heiter, spør mannen kvifor han gret. Då svarer han: "Hør på meg, Don. Hvis du så en liten gutt som løp ut på gaten, ville du skynde deg etter og redde livet hans. Menneskenaturen er slik. Vi prøver å bevare liv, og jeg gjør det igjen hvis jeg får anledning til det." Dei sat på ein restaurant då dei hadde denne samtalen, og mannen sa vidare: "Her sitter vi omgitt av mennesker. Mange av dem er muligens fortapt og går til helvete, og vi sier ikke et ord om hvordan de kan få evig liv. Det er noe galt med oss." Don seier seg einig, vi er villige til å "redde et menneske i en synlig krise, men mange mennesker er i åndelig krise, og vi sier ikke et ord om hvordan de kan komme ut av den."

Denne delen av boka talte veldig direkte til meg. Det er så mange menneske som treng å høyre om Jesus. Eg er heldig som kjenner Jesus. Kvifor gjer eg ikkje meir for at andre skal få ta del i denne herligheten? Denne bloggen er ei oppfordring, like mykje til meg sjølv som til dykk, om å bli meir frimodige. Vi må våge å vise kven vi høyrer til, og kva han har gjort for alle mennesker. Kva har vi å tape? Ingenting. Det beste som kan skje er at fleire finn vegen til Himmelen. Eg seier ikkje at det er lett. Men ein stad må vi byrje. Kast bort menneskefrykten og set Jesus i sentrum. Då vil ting byrje å skje!

No som eg sat og skreiv denne bloggen dukka det "tilfeldigvis" opp ein song på Spotify. Songen heiter "Here I go again". Høyr godt etter på teksten. Våg å vere frimodig.

http://www.youtube.com/watch?v=ZXbA_A3eTGw.

What am I so afraid of?

How then will he know

What he has never heard?

(Casting Crowns)

Du er ein blome i Guds hage

2010-07-09T00:16:00.000+02:00

"Du er ein blome i Guds hage,
så fargerik og fin.
Og blant mimosar og syriner
er det denne plassen som er din.
Du ska’kje flyttast eller fjernast,
du e’kje kun til bry.
Du ska’kje kvelast eller skjulast,
men stå i blomst og vere DU."

Meg og mammen min :)

2010-07-06T21:50:00.000+02:00

Gud er med deg:)

2010-07-05T21:01:00.000+02:00

Herren din Gud er hos deg,

en helt som har makt til å frelse.

Han gleder og fryder seg over deg

og gir deg på ny sin kjærlighet.

Han jubler over deg med fryd

som på en høytidsdag.

Sef. 3,17

Velsignelse

2010-07-01T11:40:00.000+02:00

På veggen på skulen min står det skriven ei flott velsigning frå det 4. århundre. Då vi hadde avslutning med klassen før ferien, fekk alle delt ut kvart sitt bokmerke med denne velsigninga på. Eg syns den er så fin at eg vil dele den med dykk.

Velsignelse

Fra det 4. århundre

Herren være foran deg,

for å vise deg

den rette vei!

Herren være ved siden av deg,

for å lukke deg inn

i sine armer

og beskytte deg!

Herren være bak deg,

for å bevare deg

for menneskers ondskap!

Herren være under deg,

for å fange deg opp

når du faller og redde deg ut

av snarene!

Herren være i deg,

for å trøste deg

når du har det vondt!

Herren være over deg,

for å velsigne deg!

Everything

2010-06-30T23:39:00.000+02:00

Det er ikkje like lett å vere ein kristen alltid. Det er så mykje som lokkar og dreg meg vekk frå Jesus. Alt Jesus ønsker er å vere saman med meg og deg, og han står med utstrekte armar for å ta i mot oss når vi vil! Sjå på videoen nedanfor, den viser på ein utruleg sterk måte forholdet mellom oss og Jesus. Lifehouse syng sangen "Everything" i denne videoen. Refrenget har du her:

Cause you're all I want, You're all I need
You're everything,everything

You're all I want

your all I need
You're everything, everything.
You're all I want you're all I need.
You're everything, everything
You're all I want you're all I need, you're everything, everything.

Dette er noko eg ønsker å seie til Jesus. Sjølv om det ikkje bestandig er like lett å seie med eit heilt hjarte. Difor er det utrulig godt å vite at Jesus seier det til oss. Med heilt hjarte. Igjen... Og igjen... Og igjen.. Og igjen.

http://www.youtube.com/watch?v=lSwCOs-uX zU&feature=related

Sommaren har lett for å bli ei tørketid i forhold til Gud, det erfarar i alle fall eg år etter år. Derfor er det utruleg viktig å setje av litt tid til Gud også i ferien. Når du har sett videoen kan du gjerne setje deg ned og be litt, det er ikkje noko Gud ønsker meir enn tid saman med deg, som han elskar så utruleg høgt!

Guds fred! :)

Ut på tur

2010-06-20T21:12:00.001+02:00

Imårå går turen t berlin,og me glede oss!:-D Takk te vekterane så slutta å streika;-) Auf wiedersehen!:-)

Eit lite sitat

2010-04-29T23:25:00.000+02:00

"Den elsk din neste-greia. Jeg mente det." - Gud

Kva kan du gjere for din neste i dag? :)

Mitt vitnesbyrd

2010-04-25T21:52:00.000+02:00

Eg har tenkt lenge på kva eg skulle skrive i denne bloggen. Det er så mykje eg har lyst å blogge om, og eg veit ikkje heilt kvar eg skal byrje. Eg kunne hatt blogga om den fantastiske hytteturen eg har vore på i helga, eller om alt eg har å glede meg til framover. I dag vil eg derimot blogge om noko anna. Eg vil blogge om Jesus og det han har gjort for meg og deg.

Her er mitt vitnesbyrd. Eg har vore utruleg heldig å få vakse opp i ein trygg heim med foreldre som er glade i meg. Heile barndommen og ungdomstida mi har likevel ikkje vore så lett. Eg har alltid vore sjenert, og hatt få vener. Eg har liksom aldri kome inn i noko miljø, og då eg byrja på ungdomsskulen følte eg meg ganske utanfor. Heldigvis fekk eg ei venninne, og vi hang i lag heile tida. Tilfeldig eller gudfeldig? Eg veljer det siste. Vi vart mobba, vi var skulelys, nerdar, kristne... Heldigvis var vi to som stod saman. Ein dag var det ein lærar som oppdaga at det var noko som ikkje stemte heilt. Etter ein lite morosam kunst og handverk-time tok ho seg tid og spurde om det var noko i vegen. Eg hugsar detaljer frå dei minuttane, og er evig takknemlig for at ho oppdaga mobbinga og gjorde noko med det før det var for seint. Vi fekk fortelje korleis vi hadde det, og etter dette opplevde vi ikkje meir mobbing. Etter ungdomsskulen byrja eg på folkehøgskule. Eg fekk utruleg mange gode vener, og eg vokste i lag med Jesus. Eg følte meg verdsatt, og eg følte meg som "ein del av gjengen". Det var då livet byrja for meg. Kanskje det høyrest klisje ut, men det er sant.

Heilt sidan eg gjekk på Frekhaug har eg hatt ein lengsel etter å gjere noko for Gud. I mars var eg på misjonskonferansen Called. Her skjedde det noko herleg. Gud viste seg så utruleg sterkt den helga. Og lengselen min etter å gjere noko for han blei enda større. Eg var på seminaret "Jesus til Europa". Denne lille timen gjorde noko med meg. Og den gjorde noko med Silje, ei venninne av meg. Ho har lenge hatt lyst til å reise til Asia for å studere religion. Ho hadde nesten fått klarsignal at ho kunne reise, og var veldig gira. Men på dette seminaret gjorde Gud noko drastisk. Det var ikkje gått mange minuttane etter seminaret før Silje hadde bestemt seg for å droppe Asia-studiene til fordel for å tjene Gud. Er ikkje Gud fantastisk? Eg blei så utruleg glad då Silje fortalte dette. Eg har sjølv lyst til å reise ut for å spre Guds kjærleik, og no er vi to som har lyst til det same. Kvar det blir anar eg ikkje, berre Gud veit det. Eg er veldig spent på kor veien går vidare. Ein ting er i alle fall sikkert, Gud har ein plan. Først skal eg gjere meg ferdig med lærarstudiet, og så får Gud føre meg der han vil. Eg stolar på Gud, og eg gler meg!

Eg er så utruleg takknemlig for det Gud har gjort for meg. Han har plassert meg i Bergen blant herlege menneske som eg er utruleg glad i. Han har tydeleg vist meg sin kjærleik. Og denne kjærleiken vil eg vere med og spre til andre. "Hosanna" er ein nydeleg sang som eg har sunge mange ganger. Men då eg var på barneleiarkonferansen i Oslo forrige helg var det spesielt ei strofe som traff meg.

I see a generation
Rising up to take their place
With selfless faith
With selfless faith

Eg har lyst til å vere ein del av denne generasjonen som viser folk kven Gud er. Paul Grønseth syng: "Hvordan kan jeg være stille?" Eg klarar ikkje vere stille etter det Gud har gjort for meg.

Prøv Guds kjærleik. Eg lovar deg, du vil ikkje angre.

God påske! :)

2010-03-30T18:34:00.001+02:00

"For så høyt har Gud elsket verden, at han gav sin sønn den enbårne for at hver den som tror på Ham ikke skal gå fortapt, men ha EVIG LIV." Det er dette påsken dreier seg om, folkens. Er ikkje det fantastisk å tenkje på?

Greater things have yet to come...

2010-03-18T22:38:00.000+01:00

...and greater things have still to be done in this city..."

I helga er det Called, og eg gler meg! Called er "et tverrkirkelig arrangement for og om misjon" (Called.no). Det skal vere mange gode seminarer, møter og ikkje minst; oUtReAcH. På laurdag blir det nemleg utdeling av kaffi, kakao og boller, sykkelvask og så vidare på sjølvaste Torgallmenningen. Skikkelig kult! Kvifor skal vi gøyme oss i menighetane våre, når vi har ein så fantastisk bodskap å dele med resten av Bergen? I ein herleg song av Blue Tree finn du svaret: "Because there is noone like our God!"

Det fins ingen som vår Gud. Han som elska oss så høgt at han sende Jesus for å redde oss. Han som har lova å vere med oss kvar dag, i medgang og i motgang. Han som ventar tålmodig og seier: Kom til meg, mitt barn. Det er ditt val. Det er mitt val. Eg har vald å følgje Han, og eg angrar ikkje eit sekund!

I will rejoice in the Lord, rejoice! Let the spirit of the Lord fill my heart with hope and joy. Rejoice in the Lord, rejoice! Let the power of the Lord strengthen me through it all! :)

Takknemlig!

2010-03-17T00:59:00.000+01:00

tRe GrUnNaR tIl Å sMiLe:

1. Eg er elska av Gud.

2. Eg får syngje i Laudate med ein herleg gjeng. Dåkke e go! :)

3. Eg skal til Hellas i august!!

Life is good! Smiiiil! :)

Lenge leve latskapen

2010-03-04T18:13:00.000+01:00

Eg har hatt ein heil dag på meg til å skrive oppgåve. Fleire dagar, faktisk. Men i dag skulle eg vere skikkeleg effektiv og bli heilt ferdig. Slike planar pleier som regel å gå i vasken. Og i dag var ingen unntak. Praksisoppgåva er endå ikkje ferdig, tilbakemeldingane på 8A sine eventyr er ikkje ferdigskrivne, og eg prøver å oppsummere dagen min. Eg har riktignok tatt ut av oppvaskmaskinen og bretta saman litt klede. Men tida brukt på dette i motsetnad til på andre ting er vel minimal. Facebook, spotify, msn. Tidstjuvar! Og eg lar dei stjele.

Men kvelden er enno ung. Det fins håp. Eg kan framleis leggje meg med god samvittighet og vite at oppgåva er levert og eventyra retta, og at eg kan bruke morgondagen til kva eg vil. Og no som eg har blogga om det, er det ingen veg tilbake.

Heia meg!

Dersom du har ferie eller berre treng eit avbrekk, kan du jo ta deg ein "School House Polka" med Veggie Tales: http://www.youtube.com/watch?v=K0J-T2lr0Ms&feature=fvst :D

Ferie. Ferie. Ferie. Sa eg ferie?

2010-03-01T23:45:00.000+01:00

Eg har vinterferie. Ædda bædda til deg som ikkje har det! Eg måtte berre gni det inn...

Etter tre veker praksis i 8. klasse, kunne eg på fredag endeleg ta ein velfortjent ferie (fint ord!) og setje meg på bussen sørover. Første stopp var Rød og Solgry, der eg tilbrakte helga saman med ca. 77 (etter Nils Ove si oppteljing) 5. - 7. klassingar og ein flott ledargjeng. På laurdagen var det duka for Solgry-OL, der Japan gjekk av med ein velfortjent siger!

Å sove er visst oppskrytt på leir. Når ein er gut er det mykje kjekkare å hoppe ut vindauget og lure seg inn på jenteromma. Eller motsatt. Når ein høyrer ledarane ute i gongen er det berre å gøyme seg under senga eller benken, inni skapet eller kanskje innpå badet. To av gutane var ikkje på romma sine, og vi var innom alle jenteromma der jentene var vakne. Det skulle derimot vise seg at dei to rømlingane befann seg på eit rom der jentene snorksov... Desse karane hadde visst gløymd å krype fram frå senga og benken att når ledarane var gått... Klokka 4 - halv 5, kunne eg endeleg krype under dyna, og sovne vel vitande om at 4 timar seinare var det tid for frukost.

Etter ei kjekk helg med lite søvn var det godt å kome heim til mamma og pappa! Det skal bli deilig å berre slappe av og kose meg med praksisoppgåve denne veka... I dag har eg endeleg søkt på fag til neste år, i siste liten sjølvsagt. Mest sannsynleg endar eg opp med KRL årsstudium på NLA i Sandviken. Eg trur det kan bli kjekt! :)

Ikkje så veldig spennande blogginnlegg, kanskje... Men du har i alle fall blitt litt meir oppdatert på kva som skjer i livet mitt for tida. Eit oppsummerande stikkord kan vere FERIE! ;)

Ha ei fin (ferie)veke! :)

Ei lita oppgåve: Kor mange ganger finn du ordet ferie i dette blogginnlegget?

Helgekos :)

2010-02-13T13:04:00.000+01:00

Då var første veka mi i praksis vel overstått, og eg har funne ut at eg kan trivast som ungdomsskulelærar! Godt å endeleg ha fått bekrefta det. No er det herleg med helg, og helga byrja med ein koseleg kveld på Egon med ein god gjeng frå Laudate! :) Eg vil verkeleg anbefale Kylling og scampi, hugsar ikkje heilt namnet, men det var utruleg godt! Og toppa med bananasplit til dessert kan det ikkje bli anna enn herleg!

Takk for ein kjempekoselige kveld! :D

Evighetsprosjektet...

2010-02-08T20:46:00.000+01:00

...er endeleg ferdig, og sendt av garde til Madagaskar! :) Eg har strikka sjølve kjolen, Anne har strikka 50 kronblad (eller 100, dersom vi reknar med kjolen Solveig har strikka også), og eg har montert alt til slutt. Neste prosjekt: Mariusgenser! :D

Då eg endeleg hadde fått levert frå meg kjolen på fredag, kunne eg ta helg med god samvittighet,

og helga fekk ein pangstart med kjempekoseleg spelekveld med Laudate-gjengen!

Spel og kos ut i dei seine nattetimar... :)

Eg vil ønske alle ei fiiin veke!

Fødselsdagen til evig liv

2010-01-21T22:40:00.000+01:00

Har du nokon gong byrja å lese ei bok som du la frå deg etter nokre frå sider fordi den var for kjedeleg? Andre gonger har du kanskje gitt boka ein sjanse, og sjølv om den er litt treig i byrjinga, tar spenninga seg opp etterkvart. Av og til kan det kanskje vere nødvendig å innføre viktig informasjon i byrjinga av boka, og lesinga kan følast litt tung. Livet vårt her på jorda er berre første kapitlet i det evige livet vårt. Det vi opplever her og no er berre ei førebuing på noko mykje større, nemleg evigheten.

Livet vårt her på jorda består av oppturar og nedturar. Nokon har gode liv, andre har det kanskje ikkje så lett. Er det ikkje då herleg å tenkje på at det som kjem etterpå er så mykje større enn dette? Eg syns det er kjempefint å tenkje på. Men likevel klarar eg ikkje heilt å ta det innover meg. Livet etter døden verkar så fjernt, og eg syns det er skummelt å tenkje på døden. Det er skummelt av to grunnar. For det første vil eg ikkje miste alt det eg har her på jorda, som familie, vener, alt det kjekke eg gjer på. Lista kan fortsette i det uendelege. For det andre er evigheten så usikker. Eg anar jo ikkje kva eg har i vente. Eg kan i alle fall ikkje sjå det føre meg. Eg kan lese flotte ord i Bibelen der det til dømes står at i Himmelen skal det ikkje finnast tårer. Eg trur på det, men det er så langt frå den verkelegheiten eg møter i kvardagen at eg ikkje klarar å ta det inn over meg. Det er så mykje lettare å klamre seg til her og no, til første kapittel. Men eg skal ikkje ha lese mange sidene av ei bra bok før eg er nysgjerrig på kva som skal skje vidare. Eg har allereie fått mange møte med Gud, og eg lengtar etter meir.

Bakpå dei fleste bøker finn vi eit lite samandrag av kva boka handlar om. På same måte har Gud gitt oss eit "samandrag" av evigheten. Han har gitt oss Bibelen. Han har gitt oss Jesus. Og han har gitt oss eit løfte om ein herleg evighet. Eg er skapt til å leve evig. Som Rick Warren seier det i "Målrettet liv": Døden er ikkje slutten på livet, den er "fødselsdagen til evig liv"! Herleg!?

Sjefen over alle sjefar!

2010-01-18T22:08:00.000+01:00

I dag har eg opna konvolutt nummer 3 i den fantaaastiske "kalenderen" eg fekk frå Silje mi til jul! Dagens sitat var så sjarmerande at eg må dele det med dykk.

"Gud er sjefen over alt i Himmelen. Han bestemmer over englene og over de døde som kommer dertil, og over rakettene og alle flyene som flyr tvers igjennom stua hans." (Fredrik, 6 år).

Søtt!? Eg vil ønske alle ei herleg veke! Nyt kvar einaste dag, den er gitt deg frå sjefen over alle sjefar!! ;)

Ka drive deg?

2010-01-14T22:21:00.000+01:00

I dag har Maria, Mariann og eg hatt bibelgruppe sjå meg. Det var veldig kjekt og fint! For tida tek vi for oss boka "Målrettet liv" av Rick Warren. I dag vart vi utfordra på dette spørsmålet:"Kva er drivkraften i livet ditt?" Ikkje det lettaste spørsmålet å svare på, akkurat. Skyldfølelse? Nag eller sinne? Frykt? Materialisme? Behovet for å bli anerkjent?

Eg kan i alle fall med sikkerhet seie at dei to sistnemnde påverkar livet mitt ganske mykje. Eg vil heile tida ha meir av alt, det nyaste, det kulaste, det alle andre har, det som er på sal... Så går det litt tid, og det må bytast ut i det som er endå nyare. Slik går det i ein rundgang... Fokuset ligg på meg sjølv, at eg skal ha det bra og ikkje minst at andre skal få eit godt inntrykk av meg. Då er vel livet bra? Eller er det det?

Eg vil ha noko meir enn dette! Dersom vi snur det heile, kan vi heller spørje: Kva vil vi skal drive oss? Kva mål har vi i livene våre? Er det å sjå bra ut og alltid ha den nyaste mobilen? Eller vil vi noko meir? Eg trur ikkje Gud har skapt meg og satt meg på jorda for berre det. Eg vil så mykje meir! Eg vil vise folk kven Gud er, eg vil vere god mot andre og hjelpe andre. Å setje andre i første rekkje, og plassere meg sjølv lenger bak i rekka. Men det er jammen meg ikkje lett. Det kan eg skrive under på. Akkurat derfor trur eg det er viktig å ha store mål! Når ein ikkje måla heilt, vil ein i alle fall ha noko å strebe etter og kunne kome ganske nær måloppnåing. Og det er betre enn å ikkje ha mål i det heile tatt, er det ikkje?

Eg får kanskje aldri redda verden, men eg kan i alle fall redde nokon, eller kanskje eg heller skal seie hjelpe nokon. Omtrent annakvar veke er eg leksehjelp for ein gjeng 2. klassingar. Dei første gongene eg var der, følte eg ikkje at eg var til så stor hjelp. Dei fleste klarte å gjere leksene sine sjølve, dei var flinke til å lese, og dei var ferdige før det var gått ein halv time. Denne veka derimot var det annleis. Eg fekk hjelpe ein elev med leseleksa si. Denne eleven er svak i lesing, og stotra seg fram bokstav for bokstav. Men då ho hadde lese gjennom teksten nokre gonger medan eg prøvde så godt eg kunne å hjelpe og ikkje minst lytte tålmodig, merka eg framgang. Ikkje noko hokus pokus, men det gjekk litt lettare etter å ha fått lese gjennom det fleire gonger. Det var ein veldig god følelse å få hjelpe denne eleven, som kanskje ikkje får noko særleg oppfølgjing heime. Der og då merka eg at eg ivrar etter å hjelpe fleire elevar som denne! Det er noko av det som driv meg.

"Me er gode!"

2009-12-10T22:34:00.000+01:00

Eg og Anne har sett håndballkamp i dag. Reprise riktignok, og eg visste resultatet på førehånd, men mindre spennande vart det ikkje av den grunn... Noreg vann sjølvsagt, og min respons var: "Me e så go!" Joda, lagfølelsen er på topp! Eg strikkar for harde livet, dei spring for harde livet. Eller noko sånt... Seier vart det i alle fall, om det var på nære nippet! Heia Noreg!

Etter kampen såg me film, "The Holiday". Det var ein veldig koseleg film! Eg likar å sjå sånne forutsigbare, romantiske komediar innimellom. Så slepp ein å tenkje på semesteroppgåve og slike ting... No er det derimot snart leggetid, og når eg vaknar i morgon tidleg (er klokka 10 tidleg nok? :P) er det berre å setje i gong å jobbe med semesteroppgåva. Eg har nemleg vore på veiledning i dag, der eg eigentleg berre fekk bekrefta at eg har mykje arbeid framføre meg... Så no er det full skjerpings, så eg kan kome meg heim til mine kjære snarast mogeleg!

I morgon er også skrekkens dag... Okey, kanskje litt overdrive...Det som skjer er at vi sannsynlegvis får igjen etikkoppgåva vår, og eg har høyrd rykter om at veldig mange ikkje har fått godkjent, for det meste på grunn av formelle feil... Det hadde jo vore kjekt no i desse semesterskrivings-tider... Jaja, eg håpar på det beste! ;)

Dett var dett for denne gong... I morgon kveld skal eg på julebord med klassen. Det blir kjekt! :)

God helg, folkens!

Og husk: Jesus er glad i deg akkorat sånn så du e! ;)

Sorte får utan vannskrekk...

2009-12-09T21:32:00.000+01:00

Kven skulle tru at dette sitatet var tatt rett ut frå ein mattetime? I dag har vi nemlig hatt heile 6 timar(!) matte, der den eine oppgåva gjekk ut på å gjerde inn kvite får, sorte får og villsau utan vannskrekk. Du og du, så kjekt me har det! Dagen vart toppa då vi skulle få gå eit heilt kvarter før tida sidan det var siste dag før jul! Litt av ein bonus. ;)

Men eg stakk likevel før klokka 3, og rett i barneklubb. I dag var det nemleg duka for juleavslutning og juleverkstad! I alt 12 ungar kom, og til tross for litt kaos (som alltid...) virka det som ungane koste seg. Dei laga mykje fint, og det var nesten så vi måtte jage nokon av dei då klokka var langt over avslutnings-tid... Så det var veldig kjekt! Eg gler meg veldig til eit nytt år i barneklubben! Det er både utfordrande, lærerikt og veldig koseleg på same tid. :)

Og vi maler og vi maler, og det blir så fint og flott...

Sjå så fine kremmerhus!

I morgon skal vi visst ha framføring i ped... Så kanskje eg burde sjå litt på det no. Det er forsåvidt eit spennande tema vi har om, elevar med AD/HD, men motivasjonen er liksom ikkje heilt der.. Den ligg liksom gøymd i strikketøyet, på bloggen og slike kjekke plassar... Og ein del av den har nok stukke heim på juleferie allereie... Om ei veke kan det hende eg er heime på juleferie. KAN HENDE... Det vil vise seg om eg er effektiv nok til å få skrive ferdig semesteroppgåva mi i norsk innan den tid. Eg har fått tilbud om skyss heim med Astrid og Jaran den 18., så innan det SKAL eg vere ferdig. Dermed basta!

No har eg vel kanskje babla nok. Eg nyter som du kanskje forstår livet her i Bergen, og gjer minst mogeleg av det eg skulle gjort. I helgene heng eg med mine fantastisk gode vener, i Salem og rundt omkring! Så eg skal absolutt ikkje klage.

Julekvelds sjå Kristine. Legg merke til heimelaga karbonader (laga av meisterkokken Janne:P)...

Leiligheten er pynta til jul. Vil du kome på besøk?

No som me er inne i adventstida vil eg berre minne på kva det er me ventar på:

"Et barn er født i Betlehem, i Betlehem. De gleder seg, Jerusalem. Halleluja! Halleluja!"

Bilete frå Madagaskar del 2

2009-12-05T00:26:00.000+01:00

Eg saknar Madagaskar. Det eg saknar aller mest er alle dei herlege ungane vi fekk møte. Eg skulle verkeleg ønske eg kunne lært meg gassisk, reist tilbake og bli betre kjend med alle desse søte små! Her får du eit glimt av dei herlighetane som vi møtte på langs vegen, på skulen, eller som dukka opp i hagen vår titt og ofte... :)

"La de små barna komme til Meg, for Guds rike hører slike til!"

Madagaskar del 1: Litt av kvart

2009-11-24T20:13:00.000+01:00

Her kjem ENDELEG bilete frå den fantastiske turen vår til Madagaskar! Eg klarte jo sjølvsagt å gløyme harddisken min heime forrige veke, men no er den i mine trygge hender att. Så her får du første del av ein serie bilete frå den flotte øya Madagaskar!!

Jentene føler seg som millionærar etter å ha tatt ut 200 000 kvar første tur i banken!

Vårt første måltid i Fandriana; pasta, gulrøter og ketsjup. Jammen godt vi fekk hushjelp dagen etter! :P

Ivrige smykkeseljarar var det ikkje mangel på i Antsirabe.

Stavangergata i Antsirabe. Kult?

Eg prøver lina. Var vi ikkje rare nok frå før, tiltrakk vi oss i alle fall oppmerksomhet då...

Det regnar på Madagaskar også! Og når vi ikkje har vatn inne, må vi hente det ute! Anne i aksjon!

Ut på tur i Fandriana med studentane på lærarskolen.

To av lærarstudentane som så gjerne ville bli tatt bilete av!

Rismarker er fiiint!

Nysgjerrige!?!

Jentene på restaurant!

Sjokolademonsteret Janne vart overlykkeleg då ho fann sjokolade i ei av bodene på veg til markedet! Og med brus i tillegg vart det reine festkvelden!

"Den gode hjelper", som opna bildøra, bar bagasje for oss og passa på bilen då vi var på tur!

På gjestehuset til Hasina, der vi fekk fantastisk god middag og frokost med grovbrød og stooort påleggs-utval! Hasina er ei herleg dame som har studert på hotellfagskulen i Stavanger, og som dermed snakkar norsk. ;)

Middagsbesøk hjå Richard, som også snakkar norsk, og familien hans. Veldig koseleg!!

Flott landskap i Ambalavao.

Husmor Christine i gong med andre forsøk på brownies. Denne gong blei det vellukka og bursdagsbarnet blei fornøgd! Vi lærte at det kan lønne seg med vekt og diverse utstyr, som hjulvisp, for at baking skal bli vellukka... :P

21. oktober. Ein stor dag! Den vart feira med heeerleg pizza, nyyydeleg brownies, ballongar sponsa av SR-bank, ligretto og besøk av våre gode naboar, Lene og Monika.

Her i dette franske misjonærhuset budde vi i fire veker.

Korger (eller bøtter fulle av vatn!!!) på hovudet, barbeint og med kosten i handa. Veldig typisk Madagaskar!

Vatn må ein ha! Vi tømte nokre boder for vannflasker den dagen...

Bilen måtte reparerast på vegen til regnskogen, og vips hadde vi publikum...

Vi fekk med oss ein flott solnedgang i Isalovindauget.

I hovudstaden, Antananarivo, var vi så heldige å få med oss Manga, som også snakkar norsk (det er ikkje få gasserar som kan norsk:P) som guide og prute-hjelp siste dagen. Ho laga suppe til dei med dårleg mage og var også med oss til flyplassen om kvelden og sørga for at alt gjekk greitt då vi sjekka inn. Gasserar er utruleg venlege og gjestfri folk. Er det rart eg har blitt glad i Madagaskar???

Dette var berre nokre få bilete, og hvis du ikkje er fornøgd med dette kjem det meir etterkvart! Eg tek i mot kommentarar på bloggen med glede! :D

Du veit du er i Noreg att når...

2009-11-09T09:48:00.000+01:00

...det er 5 grader ute og ikkje 30, og du kler på deg jakke, lue, skjerf og votter i staden for shorts, t-skjorte og sandaler før du går ut døra.
...det kostar 14 kroner for EIN mango, og ikkje nokre få kroner for ein KILO.
...julebrusen og pepperkakene er på plass i hyllene.
...du kan gå og forsyne deg sjølv i hyllene på butikken.
...du forstår kva folk rundt deg seier, og dei forstår det du seier! (Ein skal passe munnen sin litt no etter at ein har kunna snakke om kva som helst utan at folk rundt har forstått det i fem veker...)
...ingen ukjende glor på deg, peikar på deg eller ler av deg når du går forbi.
...ingen helsar på deg på vei til butikken.
...du får gå i fred og handle utan innpåslitne selgarar.
...du ikkje lenger føler deg som ein millionær med fleire hundretusenar i lommeboka.
...det er "vasa" (kvite) overalt.
...du har straum og vatn 24/7.
...du kan dusje i varmt vatn kvar dag.
...du slepp å smørje deg med solkrem, myggmiddel og after sun kvar dag.
...du plutseleg får treffe folk igjen som du ikkje har sett på fem veker! :D

Å vere i Noreg att er litt rart... Det er mykje eg kjem til å sakne på Madagaskar, men det er og mykje som det var godt å kome heim att til! Kjærasten min. Ein varm dusj. Grovt brød med leverpostei, makrell i tomat og agurk... Home, sweet home! :)

Det er vel fare for at det kjem nokre blogginnlegg med bilete frå Madagaskar etterkvart... Så det er berre å følge med, hvis du er interessert... ;)

To innlegg på to dagar!

2009-10-25T05:59:00.001+01:00

I dag reiser vi frå Antsirabe, noko som betyr at det blir ei stund til neste blogginnlegg. I alle fall ei veke. Eg anar ikkje om det er internettcafe der me skal bu på vestkysten. Time will show!

I denne bloggen vil eg kome med eit par opplevingar som eg kjem til å hugse godt!

No gler eg meg veldig til siste veke i Fandriana! Det er først dei siste dagane vi har begynt å få god kontakt med ungane, så eg gler meg til resten! Som Christine skriv om, har vi starta Siesta-ordning i hagen. Ein dag vi låg ute og leste og slappa av, kom plutseleg to av 5.-klassejentene listande inn i hagen. Då vi hadde spurt kva dei heitte, som er ca. det einaste vi klarar av kommunikasjon på gassisk, og dei framleis berre stod der og kikka, fann vi fram hoppetau. Og før vi visste ordet av det var hagen full av ungar! Veldig kjekt! :D

2. klassingane er veldig morosame! Dei riv og slit i oss for å halde oss i handa når vi skal leike, og det er ikkje langt frå slåssing. :P Dei er blitt veldig gode på Bjørnen sover. Jada, på norsk. Forresten kan heile skulen "Hvem har skapt alle blomstene", samtlige vers!

Då vi var på døveskulen fekk vi høyre at ei av jentene der var tvilling. I ein av stammane på Madagaskar er det slik at dei ikkje godtar tvillingar, og set den eine tvillingbabyen ut i skogen for å døy. Denne jenta på døveskulen hadde blitt redda, og er no så heldig å få gå på døveskulen. :)

Det blir ikkje særleg samanhengande blogging, for eg har lyst å fortelje alt på ein gong! Men ein liten smakebit av Madagaskar er det i alle fall, så kjem bileta når eg kjem heim att! :)

Velomaaa! :)

Salama :)

2009-10-24T18:02:00.000+02:00

Så var me tilbake i Antsirabe og internett att! Eg har det framleis heilt topp, og syns det er trist at det allereie har gått 3 av 5 veker! Men vi har jo 2 veker att, og eg er veldig spent på dei vekene.

Så, kva har skjedd sidan sist blogg? Masse!! Til no har vi hatt to veker praksis i Fandriana. Vi har 2. - 5. klasse, og dei er veldig skjønne! Det er dårleg med engelskkunnskaper, så det går mykje i sang og kroppsspråk. Vi byrjar å bli meektig leie av Head and shoulders kan du seie... :P Men eg trur vi har klart å lære ungane litt engelsk i alle fall, og det har vært veldig lærerikt for min del.

Forrige helg var vi i Ranomafana, regnskogen. Vi fekk blant anna sjå lemurar og kameleonar. Kult! Vi hadde med oss sjåføren Njafy (uttalast Saffi), som snakkar norsk, og ein god hjelpar som opna dørene i bilen og passa på bilen for oss. Inkludert å bære bagasjen vår opp alle trappene... :P

I går var vi rundt og besøkte diverse skular her i Antsirabe. Vi var på jordbruksskulen, Tombontsoa. Det var eit stort og flott område!! Etterpå gjekk turen vidare til blindeskulen og døveskulen. Det var ei sterk oppleving! Ungane der var veldig skjønne, og eg skulle ønske eg kunne kommunisert med dei! Då vi skulle dra frå døveskulen, blei vi invitert til å kome dit og ha praksis. Rektoren sa det opptil fleire gonger, og eg hadde ikkje takka nei hadde eg hatt mogelegheiten! Så Siri Beate: Reis til Antsirabe i praksis! (PS: Eg skal lære deg eit gassisk teikn når eg kjem heim) :P

No har vi akkurat vore og sagt ha det til Lene og Monika, våre kjære naboar i Fandriana. Dei skal vere her denne veka, og vi reiser tilbake til Fandriana. Det har vært utruleg kjekt å bli kjent med dei, og dei har absolutt gjort oppholdet vårt her lettare! :) Eg er ein smuule misunneleg på dei som skal vere her i eit og eit halvt år!

Så eg nyter livet her nede. Vi har nokre få timar praksis kvar dag, som er utfordrande nok(!), lærer Miss Lilly på sjukehuset engelske barnesangar, får servert god mat av hushjelpa vår, Mari, og berre kosar oss! Etter ei veke til i praksis drar vi til vestkysten for å slikke sol og baaade!! :D Så skal eg vere heime att 8. november. :)

Eg gler meg til å kome heim og fortelje alt eg har opplevd, så sett av god tid til foredrag! Hihi... :P

Ha det fint heime i kalde Noreg ;) God bless!! :)

Hilsen frå Madagaskar!

2009-10-02T19:13:00.001+02:00

Etter ein laaang reise ankom fem slitne jenter Madagaskar i går formiddag. Vi blei køyrd til Antsirabe, og sover på den norske skulen her. Vi har blitt veldig godt tatt i mot av både nordmenn og gasserar! Etter ein varm velkomst og ei god natts søvn er humøret på topp og vi er veldig spente på korleis resten blir!

I dag har vi vore på marked og handla frukt og grønnsaker, vi har fått gassiske SIM-kort og vi har vore i banken og blitt nokre 100 000 rikare! I gassiske aryary, vel og merke... Vi har gått litt rundt i Antsirabe, med ivrige smykke-selgarar på slep. Dei dukka opp kvar gong vi var ute og gjekk! Vi har også køyrd med posse-posse, som er vogner som gasserar drar etter seg, ofte barbeint, og i eit rasande tempo. Det var ei artig oppleving!

I kveld har vi laga pasta og skinke i tomatsaus, men vi ser fram til fire veker med hushjelp... :P Vi har fått beskjed om at vi får eit eige hus for oss sjølve når vi kjem til Fandriana, der vi skal vere i praksis. Eg gler meg til å byrje på praksisen og møte alle ungane!

Elles er det lite mogelegheiter for internettilgang der vi skal, men eg skal oppdatere så snart eg har sjansen! Sjekk også bloggane til Solveig (http://shwarvik.blogspot.com), Solveig (solveighaukaas.blogspot.com) og Christine (christineaahansen.blogspot.com)! Du finn linkane deira på høgre side her på bloggen min! :)

Vi har det bra, har hatt mange fine opplevingar og vi gler oss til fortsetjinga!! :D

Varm hilsen frå Afrika :)

Eg ska te AFRIKA!

2009-09-27T18:26:00.001+02:00

Eg reknar med det er noko dei fleste rundt meg har fått med seg. Men då eg byrja å pakke, og fann fram sommarklede, gjekk det verkeleg opp for meg... Eg skal til Afrika! Om 3 dagar. Sjukt!

I går kom tante Anne Kristin og onkel Dag til Bergen med kofferten min. Det var vel ikkje akkurat derfor dei kom, men dei hadde den i alle fall med seg. Så no har eg byrja å pakke.

Slik ser det ut når eg skal pakke:

Foreløpig ser det slik ut oppi kofferten. Neida, eg skal ikkje på villmarkstur, om du trudde det...

Mamma jobbar i bank. Der har dei masse kjekt (utanom pengar). Dette skal skulen i Fandriana få når vi kjem. Ballongfest?? :P

*S-P-E-N-T!*

I kveld skal eg i bibelgruppe for siste gong før avreise. Temaet vårt i dag er Guds fantastiske kvinner. Eg gler meg! :D

Vakre Bergen...

2009-09-24T21:37:00.000+02:00

Øppdejt

2009-09-23T20:31:00.000+02:00

I dag har eg vore i barneklubb. Det var familiekveld som sto på programmet, og det dukka opp heile 16 ungar og 9 vaksne!! Det var utruleg kjekt at så mange ville kome! Vanlegvis kjem det kanskje mellom 5 og 10 ungar, avhengig av aktivitet, 15-20 stykk dersom vi skal til Vannkanten. Vi sette halen på grisen og hadde gratis utlodning. Kjempestas! Eg er så glad for at eg får vere med og vitne om Jesus på denne måten! :)

No skal eg ikkje tilbake i barneklubben på ei stund. Årsak: Om ei veke på denne tida sit eg sannsynlegvis på flyet som skal ta meg frå London, via Nairobi, til Antananarivo! Så ventar fem veker der eg skal få bli kjend med ein annan kultur og prøve meg som lærar i eit heilt anna skulesystem enn her i Noreg.

7 dagar igjen...

Næmmen hei! :)

2009-09-20T19:51:00.001+02:00

Då har eg endeleg fått gjort litt endringar på bloggen min, og er "back in the business" eller noko sånt. Det er sånt som skjer når ein skal skrive eit 6 siders essay som ein ikkje klarar å kome i gong med....

Så, kva har skjedd sidan sist?

- Eg har flytta i lag med kjærasten min! Vi har fått det veldig koseleg på loftet vårt med god utsikt over båttrafikken i Bergen. Derav namnet på bloggen, det er ikkje få gonger eg har hoppa i været av båtar som har tuta så det dirra i veggene... ;)

- Eg har byrja på skulen att. Dersom å gå på skulen to dagar i veka tel som å "gå på skulen". Det betyr i alle fall at eg må lese mykje på eigenhånd, og det går jo fint... *Kremt*

- Eg byrjar å bli reiseklar! Om 10 dagar(!) reiser eg til MADAGASKAR i utanlandspraksis. Fem veker med sol og sommar... Nokon som skal vere med??

- Dag Morten og eg har vore ute og gått mange flotte turar. Blant anna har eg kava meg opp Stoltzen og tatt Ulriksbanen for fyrste gong! (Den datt visst ikkje ned...) Forresten har eg omsider lært meg namna på alle Bergens sju fjell! ;)

- I dag var Kristine, Siri Beate og eg på kino og såg "My sisters keeper". Advarsel dersom du skal sjå den: Ta med lommetørkle, den er svært tåreframkallande.

Det var ei lita oppsummering i alle fall. Ha ei strålande veke, og hugs å bestille flybillett til Madagaskar! ;)

Snakkes :)

I mormors hage...

2009-07-11T19:37:00.000+02:00

I går køyrde mamma og eg til Bergen. I løpet av nokre effektive timar i dag fekk vi forflytta det stooore flyttelasset mitt (mamma blei litt overraska over kor mykje det var:P). Så no er livet i Villa Nordpolen over... Litt trist etter to flotte år, men det skal bli kjekt å flytte inn i lag med min kjære og! Så no må eg altså endre namn på bloggen... Nokon forslag? ;)

Tomt. Empty. Leer.

Då vi kom heim att til kjære Karmøy, tok vi turen innom mormor og morfar. Der blomstrar det for fullt, og eg måtte sjølvsagt ut med min kjære Canon.

Kake høyrer med på besteforeldre-besøk.

"Du er ein blome i Guds hage..."

Øs pøs!

2009-07-06T23:32:00.000+02:00

Medan tordenet brakar laus og himmelens sluser opnar seg, kan du få nyte eit par sommarbilete! :)

Ha ein fortsatt god sommar, kor du nå e! Nyt an mens an ennå e her! ;)

Sommaridyll

2009-06-27T17:15:00.000+02:00

I går var Anne Lene, Silje, Andre Emil, Stian og eg på Sandane og grilla og leika oss litt. Her kjem nokre bilete frå ein kjempekoseleg kveld!

Sikk, sakk, buksa spraaaakk... Korleis skal eg angripe denne mon tru??

Stian i svevet!

To gode vener <3

Silje har i alle fall vore ute i sola... Sjekk skiljet!

Anne Lene sine gode vener... :P

Fiiint!

Og til slutt, eit hjarte dedikert til min kjære... :)

Gjettekonkurranse!

2009-06-26T22:56:00.001+02:00

Kva gjer Janne denne fredagskvelden (klokka er no 22.56)?

a) Les "Breaking Dawn". Spennande!
b) Støvsuger huset.
c) Broderer hardangersaum og ser på fjernsyn.

Kva trur du???

Ny blogg med bileter frå ein finfin grillings kjem anten seinare i dag eller i morgon! ;)

Ha ei fortryllande sommarhelg!

Dyre, dyre tannlegen!

2009-06-18T12:21:00.000+02:00

Ein halv time i tannlegestolen. Tre hol, som i dag har blitt redusert til to. Halve kjeften er bedøva, og eg er ein tusenlapp fattigare. Og ny time ventar neste veke. Jada, eg har berre meg sjølv å takke. Så frå no av skal eg starte eit sunnare liv. Som om det kjem til å skje...?

Og som om tannlegeutgifter ikkje var nok... Eg må nemleg ta ein del vaksiner før eg skal til Madagaskar. Så no kan eg verkeleg angre på at eg ikkje var tidlegare ute med å finne meg sommarjobb. Meeen... Nok ein gong har eg berre meg sjølv å takke. Lenge leve latskapen!

Hæv a najs dej, pipl! :P

I'm alive!

2009-06-17T21:29:00.000+02:00

Oi, oi ,ooooi.... Skjerpings, Janne! Skjerpings!!! Eg har vore ein svært dårleg bloggar den siste månaden. Eg kunne hatt skylda på eksamenslesing osv, men ein kan vel ikkje konkludere med anna enn latskap...? :P

Den 5. juni hadde eg min siste eksamen, og dersom begge eksamenane er bestått er eg halvvegs lærar. Heldigvis har eg eit par år igjen å studere, i motsetnad til nurse Silje og pedagurk Anne Lene... :P

Det er deilig med ferie. Men å gjere ingenting kan bli kjedeleg i lengden. Så dersom eg ikkje får meg ein sommarjobb kjem eg til å gå på veggene! Eg har sendt eit par søknadar i dag, og kryssar alt eg har av fingrar og tær. For å vere heilt ærleg vil eg ikkje jobbe, men eg ser jo den at eg treng pengar. Og noko å gjere. Jeje, vi får sjå kva som dukkar opp!

Litt ekstra pæng hadde ikkje vore så dumt. Silje og eg drøymer nemleg om ei veke eller to i litt varmare strøk... Å snakke i telefonen med mamma som er i Italia gjer det ikkje akkurat mindre fristande å berre dra kortet, pakke koffertane og setje seg på første fly...

I morgon skal eg til tannlegen. :S På fredag skal eg på leeeeir! :D Litt av ein kontrast.... :P

Dette blei litt rotete, men det var i alle fall ei lita oppdatering! Så skal eg prøve så godt eg kan å glimre med mitt NÆRVÆR på bloggen frå no av... ;)

Ha ei fortsatt nydeleg veke! :)

Hipp, hipp, hipp...

2009-05-19T21:35:00.000+02:00

I helga har eg vore heime på Karmøy. På den tida har eg fått gjort mykje morosamt! Det byrja med utekonsert med Rita Eriksen og TEAM HANNE i Haugesund. Eg og Silje har sykla tur til Åkra i øs-pøs-ver. Me har og baka boller, og gått på tur med Canon-ane våre. På fredag såg eg og Anne Lene Twilight medan Silje sat på rommet sitt og las (pga. at ho vil lese bøkene før ho ser filmen. Lurt valg!). Eg likte filmen veldig godt, men likte boka enda bedre. Sånn er det vel oftast med filmatiseringar...

16. mai var vi ein liten gjeng som tok turen til Kvalavåg, kor vi grilla og koste oss i det fine veret. Det var nokre sauer der i grannelaget som lurte seg under gjerdet... Det var veldig underhaldande å sjå på dei stakkars sauene som brukte evigheter på å kome seg frå eine sida til den andre. Om kvelden den 17. mai var eg på konsert med Voice of Joy. Det har eg allerede blogga om, sjå bloggen før denne. Det var utruleg bra! Ruben, Solfrid og Ingebjørg var heilt rååå!

På sjølvaste nasjonaldagen var eg staseleg kledd i min Nord-Rogalandsbunad, og trykka i meg det eg klarte av kaker og dessertar. Eg gjekk i folketoget med idrettslaget (måtte jo vege litt opp mot all kakeetinga) og det heile enda med endå meir kakeeting sjå farmor og til slutt 7. klasse sitt show. Det er herleg med tradisjonar! :D

Måndagen sat eg atter kursen mot Bergen, og klarte å sy hardangersøm heile bussturen utan å bli kvalm. Det er utruleg kor produktiv ein blir i desse eksamenstider. Men det var mest 3 timars brodering til inga nytte. Då eg byrja å klippe opp i dag, såg eg at eg har gjort feil... Og det er ingen vei tilbake. Too bad... Jaja, det var berre mitt andre broderi med hardangersøm. Betre lykke neste gong!

Her kjem nokre bilete frå helga. Kos deg! :)

HURRAAA!!!

I'm available...

2009-05-17T00:46:00.000+02:00

I dag har eg vore på konsert med Voice of Joy. Ikkje berre er dei flinke til å syngje, men dei gjer det med ei herleg utstråling. Det er tydeleg kva dei står for, og når eg får frysningar er det ikkje berre fordi dei syng fint. Eg får frysningar fordi eg ser Gud stråle gjennom desse fantastiske menneska! Fleire gonger i løpet av konserten fekk eg lyst til å syngje med og juble høgt. For ein herleg kveld! Ja, eg er glad for at Noreg vann MGP. Men eg har noko ennå større å juble over. Jesus.

"Lord, I'm available" syng koret. Sterke ord. Eg har lyst til å syngje med, men det er ikkje alltid eg heilhjarta kan gjere det. Er eg tilgjengeleg for Gud? Alt eg vil er å tene Gud. Heile tida. Men altfor ofte er det andre ting som freistar meir. Difor er det godt å få kome på slike konsertar der eg får påfyll og blir styrka.

"Herren velsigne deg og bevare deg. Herren la sitt ansikt lyse over deg og være deg nådig. Herren løfte sitt åsyn på deg, og gi deg fred."

Ha ein flott nasjonaldag! Hipp hurra for Noreg! Hipp hurra for Jesus! :D

Ei salig blanding...

2009-05-11T21:34:00.000+02:00

Heine Totland og Gisle Børge Styve er herved mine store heltar. For eit fantastisk show i går! Dei er så rååå! *Sukk"

Eg gler meg syyykt til eg skal til Madagaskar. Sååå fantastisk det skal bli! Oktober er ikkje lenge til ein gong... *Jeeey*

Og så har eg eit lite spørsmål til deg: Skal/bør ein ha karakterer i barneskulen? Kvifor/kvifor ikkje? Kommentarar mottas med stooor takk! Eg skal nemleg sitje i panel og vere motstandar mot karakterer i barneskulen på onsdag.

I morgon skal eg forresten på visning. Wish me good luck!

Dette blei ein litt av kvart-blogg. Plutseleg hadde eg veldig mykje eg ville blogge om... Men no er det leggje/lese bok-tid..:P

Nattinatt =)

Waschera? :P

2009-05-10T13:15:00.000+02:00

Det er sundag. Planen min i dag var å gjere oppgåver i matematikk. Eg bloggar i staden for. Og broderer litt. Den lille duken min i hardangersøm byrjar å ta form. Med andre ord, eg er ikkje særleg godt i gong med eksamenslesing. Litt dumt, sidan min første eksamen er om to og ei halv veke... Eg klarar berre ikkje kome meg i gang! Eg jobbar best under press, så om ei og ei halv veke kan det vel hende eg byrjar å stresse...

Så, kva har skjedd sidan sist? Først av alt; Eg skal til Madagaskar! :D I oktober reiser eg i utanlandspraksis med Anne, Christine, Solveig og Solveig. Det blir sååå bra! Litt skummelt, men utruleg spennande!

Dag Morten og eg leiter framleis etter leilighet. Eg har vore på ei visning, og det såg lovande ut... Men så glapp leiligheiten for oss.. Typisk! Så det er vel berre å fortsetje å leite. Dersom det er nokon som veit om ein ledig toroms frå juli/august, så er det berre å seie i frå! ;)

Det blir litt trist å forlate Villa Nordpolen. Etter å ha budd her i to år har eg byrja å føle meg heime i dette sjarmerande huset. Og det har vore så utruleg kjekt å bu med Siri Beate og Kristine i år! Eg håpar me kan fortsetje å arrangere spelekveldar, sjølv om det ikkje blir i vår kjære villa. I går vaska eg og Kristine store delar av kjøkenet. Så reint har det nok ikkje vore her på leeenge... :P

I kveld skal Kristine og eg på show med Heine Totland og Gisle Børge! Eg trur det kan bli ei fantastisk avslutning på helga! :D

Ha ein fortsatt fin sundag! :)
Gud velsigne deg :)

Kor fort skrive DU?

2009-04-28T21:48:00.000+02:00

Eg var ein tur innom Solveig Helene sin blogg, og fann denne testen, der du kan teste kor fort du skriv i minuttet. Første gong eg tok den fekk eg 82 ord i minuttet, andre gongen blei resultatet 91 ord i minuttet. Kor mange klarar du?

http://norwegian-speedtest.10-fast-fingers.com/

I dag har eg forresten vore i husmor-hjørnet og baka juicekake, som eg skal ha med meg på foreldrekveld i barneklubben i morgon. Etter ein utruleg lang og kjedeleg dag på skulen med sannsynsrekning, har eg vore så trøytt og lat at eg berre har sett på fjernsyn og slappa av. Og så har eg ete is. Naam! Og baka kake, da...

No skal eg leggje meg og lese "New Moon", som er så spennande no at det er fare for at det blir lite søvn i natt. Men så er det jo berre lærarforum i morgon, eg treng jo strengt tatt ikkje vere så veldig vaken for å sitje og strikke i tre timar... :P

Auf wiedersehen :)

O, nydelege helg :)

2009-04-26T19:04:00.000+02:00

Etter ei lang og frustrerande veke var det med stooooor glede eg leverte heimeeksamen i estetisk på fredag. Siri Beate og mine msn-samtalepartnarar, Maren, Kristine og Solveig kan nok skrive under på at eg var veldig frustrert og oppgitt til tider. Utan dei trur eg eg hadde gått på veggen, eventuelt besvimt at matmangel (takk for maten, Siri Beate)!

Frustrasjonane gjekk blant anna ut på om Chagall var ein surrealist, futurist, kubist eller ei salig blanding, og om Fritz Thaulow var ein impresjonist eller naturalist. Skal ein stole på læraren eller store norske leksikon? Forvirringa enda med at eg droppa begge to og tok føre meg Kong Ødipus, som eg VEIT høyrer til antikken. Eller...? Heimeeksamen kan gjere gjere deg ganske sprø!! Då eg endeleg printa ut 3 x 15 sider på torsdag kl. 23. 00, var eg GLAD! Endå gladare då eksamenen var levert, og det toppa kaka då eg fekk A på forprøven i norsk, som eg mest ikkje hadde lese på. (Janteloven er ut...:P) Så eg kan tydelegvis berre slappe av fram mot eksamen! Eller kanskje ikkje...

Så var det omsider HELG! Og den har eg nytt/nyte/nøte (korleis i all verda skriv du å nyte i fortid?) til fulle! På laurdag skein sola, og Siri Beate, Astrid og eg tok fram vår skjulte, spreke side og gjekk opp Ulriken! Det var herleg! I alle fall når me kom ned att... :P
Med ikkje mindre enn to kamera (og eit tredje utan batteri) måtte det sjølvsagt ein aldri så litan photo shoot til! Tema: Hoppebilete. Vi fann også snø!! Takk for ein kooooseleg tur, jenter!

I går kveld var Siri Beate og eg på møte i Salem saman med både unge og eldre, der vi blei minna på at Jesus går i forbønn for oss. Er ikkje det fantastisk? Etterpå traff me på Anne og Morten. Me sat i Salem sin koselege kafe, der det var minikonsert med Hanne Vatnøy. Ei fin avslutning på ein flott dag!

Dagen i dag har gått med til gudsteneste i døvekyrkja, loppemarked på Haukeland skule, rydding og vasking etterfulgt av visning, bollebaking og jentekveld med Siri Beate og Kristine i Kosekroken i Villa Nordpolen. Sååå koseleg!

No er det leggetid for min del. Studiedagen min i morgon skal brukast til å lese om sosiolingvistikk, sjølv om fri fristar ein smule meir. Men etter ei så herleg helg trur eg nok det harde studentlivet må sjå lys att!

Her kjem nokre bilete frå turen vår til Ulriken. Blir DU med neste gong?

God natt, godtfolk!
Kvil i Herrens nåde! :)

Si at du har bruk for mine hender

2009-04-16T22:30:00.000+02:00

Denne sangen lærte eg då eg gjekk på Frekhaug. Ein nydeleg sang om å overgi seg selv til Gud.

Fader ta meg med på dine veier
Finn en plass og løft meg bort fra min natt
Jeg er trett av denne istid i min tanke
og det verker slik å kjenne seg forlatt

Ref.:
Si at du har bruk for mine hender
Si at hånden min er fin til spadetak
Jeg vil sitte stille når din stemme taler
Gi meg plass Gud, jeg kan gjerne sitte bak

Fader jeg tok feil da reisen startet
Jeg husker at jeg lo av dine ord
Alt ble mørkt, du vet at jeg er redd for mørket
Derfor vil jeg inn i lyset hvor du bor

Si at du har bruk for mine hender
Si at hånden min er fin til spadetak
Jeg vil sitte stille når din stemme taler
Gi meg plass Gud, jeg kan gjerne sitte bak

Fader la meg knele, la meg takke
for jeg trodde aldri dette kunne skje
Jeg som alltid gikk og gråt i tomme gater
ble forvandlet da du lærte meg å be

Åpne Fader, åpne dine portet
Jeg overgir meg, slipp meg kun forbi
Gi meg spade, gi meg kart og gi meg styrke
Jeg vil komme Herre, komme for å bli

Ref.:
Si at du har bruk for mine hender
Si at hånden min er fin til spadetak
Jeg vil sitte stille når din stemme taler
Gi meg plass Gud, jeg kan gjerne sitte bak

Påskeferie :)

2009-04-10T14:48:00.000+02:00

Først må eg beklage mitt blogge-fråver den siste tide. No kjem eg sterkt tilbake med nokre bilete frå min herlege påskeferie heime på Vea. Eg har allereie vore leirledar, gått tur i marka med mamma og pappa, vore med gooode vener, sett "Bienes hemmelige liv" på kino, strikka ein del på tunikaen min og lært meg hardangersøm! :D Lesing til forprøve har vore mindre prioritert...

Denne har mi flinke mormor laga:

Min skal bli lik. Foreløpig ser det slik ut:

"For så høyt har Gud elsket verden at han gav sinn sønn, den enbårne,
for at hver den som tror på ham ikke skal gå fortapt, men ha evig liv."
Joh. 3,16

Heia Haugalandet!

2009-03-10T19:27:00.000+01:00

Fekk du ikkje med deg "Det store korslaget" på laurdag? Då må du sjekke ut denne linken her:

http://www.youtube.com/watch?v=sVRwZ46aqXM

Er dei ikkje utruuuuuuleg flinke? :D

Eg er stolt av å vere Haugalending.

Heia Team Hanne!

God helg:)

2009-02-26T23:28:00.000+01:00

No er eg klar for siste dag i praksis, som skal fyllast med karneval og filmkikking! :D

Etterpå blir det intens jobbing med aksjonsforskning, før eg reiser på LEIR!

God helg, alle saman! Enjoy! ;)

Skriv overskrift her

2009-02-24T15:34:00.000+01:00

(Kommentar til overskrifta: Eg trur Roald Dahl har tatt all fantasien min...)

Øvingslæraren min har tru på meg som lærar. Etter snart to år på lærarhøgskulen er jo det ein grei kommentar å få! Så då kan eg vel berre fortsetje med godt mot! (Eg har forresten tru på deg som lesar. Det blei visst ein lang blogg, men "You can do it!")

Tre vekers praksis i 3. klasse er snart over. Februar er snart over! Kor blir eigentleg året av? Jaja... På ein måte ser eg fram til siste dag i praksis. Samtidig kunne eg tenkt meg å vore i denne klassen lenger. Kven blir vel ikkje sjarmert i senk av kommentarar som "Du er ikkje mora mi. Du er ikkje faren min. Det skjerfet er heilt ut. Du må få deg kulare briller." Eller ein søt liten 8-åring som, då vi har matematikkstasjonar ute, utbryt ganske sjølvsikkert: "Desse gangestykkene var jo lette. Eg kan jo kvadratrot og, eg..."

Ungar er herlige. Så sidan eg ikkje får vere i praksis lenger enn til fredag, reiser eg lik så godt til Solgry for ei helg på leir saman med alt frå søte(?), små 5. klassingar til halvpubertale 7. klassingar som kjem på leir for å jakte på kjærleiken... Eg ser verkeleg fram til å jage ungar inn på romma sine om kveldane, til å kjenne lukta av Axe som brer seg i gongane... MEN eg gler meg! Og ikkje nok med at eg skal på leir, eg skal på leir med SILJE! Silje skal ha andakt. Eg er stolt og gler meg! :D

No skal eg liksom jobbe med aksjonsforskningsoppgåva. Eg skriv blogg i staden for. Og snakkar med Silje. Og gler meg til leir. Og "jobber" med aksjonsforskningen. Eg har opna dokumentet. Og tenkjer at eg må skrive. No sluttar eg å skrive her. Så kanskje eg får skrive noko vetugt heller?

Ha ein fortsatt fin tirsdagsettermiddag/kveld!

PS: Eg tek i mot kommentarar med takk og lovprisning! Okey, det var kanskje litt overdrive... Uansett, legg gjerne att ein kommentar. *Smile fint*

Bergen i dag;)

2009-02-21T11:25:00.000+01:00

En er en, og to er to
vi hopper i vann,
vi triller i sand.
Sikk, sakk,
vi drypper på tak,
tikk, takk,
det regner i dag.
Regn, regn, regn, regn,
øsende regn,
pøsende regn,
regn, regn, regn, regn,
deilig og vått,
deilig og rått!
En er en, og to er to-
vi hopper i vann,
vi triller i sand.
Sikk, sakk,
vi drypper på tak,
tikk, takk,
det regner i dag.

Mangel på fantasi = mangel på overskrift

2009-02-17T18:50:00.000+01:00

Her sit eg i Villa Nordpolen og frys på fingrar og tær. Det snør vannrett, loddrett og diagonalt.
Mamma og pappa er på Tenerife. Urettfeigt.

Det er lov å drøyme...

Men sånn ellers, sett bort frå litt frustrasjon over veret, så har eg det fint. Skulle ein henge seg opp i veret heile tida når ein bur i Bergen, kunne det blitt ein trist og bitter tilværelse.

Så... Kva har eg å glede meg over?

I helga som var, hadde me for eksempel spelekveld her i villaen. Med 15 gjester. Med villaens tre bebuarar vil det seie at me var 18 stk i vårt lille dokkehus. Det var utruleg kjekt! Heilt konge å få samla så mange folk. Til trass for høgt lydnivå trur eg folk hadde det bra. Eller..? ;)

På sjølvaste valentinsdagen gjekk turen til Salem, etterfulgt av kafe og "date" på Pastasentralen... Eg hadde dessverre ikkje min kjære med meg, men eg fekk eit kjeeeeempekoseleg kort i posten som eg les om att og om att. Tihi... <3>"Det er nu som livet er her..."

Gratulera med dajen, mamma :)

2009-02-08T11:41:00.000+01:00

Hipp hurra for mammen min så e så snille å kjekke!

Synd eg ikkje e hima, då hadde d heilt sikkert blitt frokost på sengå... ;P

Gla i deg!

Store klem :D

Korleis eg har det?

2009-02-08T00:34:00.000+01:00

Eg har det supert! Livet er herleg, og eg kan ikkje klage! Kvifor?

- Eg har ein familie som er glad i meg og som eg er glad i.
- Eg har verdas beste kjæraste.
- Eg får bu med Siri Beate og Kristine.
- Eg har mange gode vener, og får stadig bli kjent med nye folk.
- Eg får gå på skule og lære masse.
- Eg får høyre til i menigheten Salem.
- Det er fint ver for tida.

Og best av alt: Gud er med meg i alt eg gjer!
Gud, som har fredstankar for meg. Gud, som seier at eg skal leggje alle bekymringane på han. Gud, som elskar meg så høgt at han gav meg den største gåva av alle; Jesu frelse. Alt eg treng er å ta i mot!
Tenk, for ein fantastisk Far! HAN vil eg prise av heile mitt hjarte! :D

"For jeg vet de tanker jeg tenker om dere, sier Herren.

Det er fredstanker og ikke tanker til ulykke.

Jeg vil gi dere framtid og håp." Jer. 29,11

You are so beautiful to me

2009-02-03T21:47:00.000+01:00

Har du hilst på kameraten min?

2009-01-23T21:34:00.000+01:00

I dag har vi fått ein ny sambuar i Villa Nordpolen. Og han har allereie blitt godt motteken av Siri Beate og Kristine.

Dei tre siste vekene har han budd på Breistein, nærare bestemt på keramikkrommet, og etterkvart har han fått flytte til litt mjukare materialer på male- og tekstilavdelinga... Og i dag fekk han endeleg vere med meg heim.

Han har utvikla seg veldig frå eg byrja å stifte bekjentskap med han.

Frå dette...

Til dette...

GODE VENER :P

Sundagsmodus

2009-01-18T16:01:00.000+01:00

Eg elskar helg. Men eg har ein tendens til å sove litt for lenge. I dag for eksempel, hadde eg alarm på klokka 10, tenkte det var ei grei tid å stå opp på. Alarmen ringte og eg skrudde den av. Sove litt til... Og før eg visste ordet av det var eg tilbake i draumeverda, som inneholdt ein busstur med mamma, der vi ikkje kom oss av på rett busstopp, og besøk hjå ei rosa farmor. Håret var rosa, klærne var rosa, og eg var heilt einig med mamma at det var kjempefint. Takk og lov at det berre var ein draum... Midt i bussturen bråvakna eg, og tenkte meg om... Hadde ikkje alarmen ringt klokka 10? Då måtte klokka vere meir no. Logisk nok... I panikk kikka eg på mobilen, og til min store fortvilelse var klokka 11.58. Og eg som skulle utrette så mykje på fridagen min...

Legg til nokre år og trekk frå litt hår, og du har "the grandma of my dreams..."

Til tross for min sove altfor lenge-oppleving, har eg faktisk fått gjort noko fornuftig i dag. No går det an å gå på golvet på rommet mitt! Eg må ikkje balansere mellom klede og bøker for å kome meg frå senga til døra. Heilt utruleg! Så lenge det varer... Og så har eg betalt rekningar, dagens store høydepunkt... Ein av rekningane gjekk til Plan Fadder, så det gjorde ikkje like vondt som dei 1000 kronene som gjekk ut til tre usle estetiske bøker...

Eg er forresten veldig fascinert over veret i Bergen. Då eg sto opp regna det. Då eg rydda sludda det, og gradvis gjekk det over til snø. No regnar det att... Bergen på sitt beste.

No skal eg nyte sundagsroen, før ei ny og i mine auge uoverkommeleg veke står for tur.

Ha ein fortsatt fin sundag:)

Du vet vel om at du er verdifull?

2009-01-14T21:28:00.000+01:00

Dagens samfunn er preget av et evig statusjag. Vi må ha de rette klærne, det rette håret og den rette sminken for å bli godtatt. Eller må vi det? Hva gjør deg verdifull? Hvem bestemmer egentlig din verdi? Jeg tar meg altfor ofte i å tenke at jeg ikke er god nok, at jeg ikke ser bra nok ut. Jeg måler meg opp mot andre, spesielt de "perfekte" moteikonene. Jeg er alltid på jakt etter kule klær og sko, og passer på å henge med i hvilken mote som er "den rette" nå. Like ofte tenker jeg slik om andre. Ja, du hørte rett. Det er så lett å se på en person og tenke at hun burde gå til frisøren, og de buksene kunne hun hatt byttet ut i noen finere. Hun burde hatt seg en extreme makeover. Men hvilken rett har jeg til å tenke slike tanker, både om meg selv og om andre? Vi er jo alle like verdifulle!

DU ER VERDIFULL I GUDS ØYNE!

For Herren ser ikke slik et menneske ser. For mennesket ser på det ytre, men Herren ser til hjertet. Gud stiller ingen krav til hvordan vi skal se ut, han vil ha oss akkurat som vi er. Han måler ikke vår verdi på samme måte som samfunnet i dag. Dette viste han da han sendte Jesus til jorden. Gud DIN NÅDE er større enn ord kan si, Gud din nåde den viser meg MIN VERDI!

Vi er så verdifulle i Guds øyne, at han sendte sin eneste sønn til jorden, for å frelse oss. Nåden er en gave fra Gud til oss. Ikke på grunn av den jeg er, men på grunn av det Han har gjort. Ikke på grunn av det jeg har gjort, men på grunn av det Han er.

DU VET VEL OM AT DU ER VERDIFULL,

AT DU ER VIKTIG HER OG NÅ,

AT DU ER ELSKET FOR DIN EGEN SKYLD,

AT INGEN ANNEN ER SOM DU!

Jeg er verdifull! :)

Jentene mine :D

2009-01-11T12:33:00.000+01:00

Møt Silje, vår omsorgsfulle sjukepleiar.
Sivilstatus: Singel.Dette er Anne Lene, pedagurken vår.

Sivilstatus: Opptatt.

Anne Lene og Silje er to av mine beste venninner. Saman blir sjukepleiaren, pedagurken og "bergenseren" eit fint trekløver.

Sibbi og Jombi <3

Jannå å Lenå <3>

(Legg merke te kim så burde hatt bridler... Godt eg ska henta linsene mine imårå...)

Nå har Silje flytta inn sjå na Anne Lene, u har gjort Veabu av seg. *Flinke*

Når eg kjeme på besøk frå Bergen bur eg meste sjå di eg o, i julå lurte mamma på

om eg kje sko ha seng å dyna med meg ner...

Me e gla i sjokolade. Spesielt Gode Ønsker, sant Anne Lene? Nam!

Men av å te burde me kje ete sjokolade, då d resultere i nok energi t å holda d

gåande heila nåttå. To timar søvn før ein långe reise dagen itte e kje å anbefala... Men

d va verdt d! ;)

Ingen kommentar.

Hmm... Ka i all verden skjer her?

Sjå så gla di e i meg:D

KNALLGLA I DÅKKE! <3>

Villa Nordpolen e klar for dåkkas entre! ;)

Det snør, det snør, tiddelibom...

2009-01-02T15:19:00.000+01:00

Det snør mykje. I Trøndelag, altså. Her er det like mykje snø som det var heime då eg var liten. Om ikkje meir. Jippi! :D

I romjula og nyttår har eg vore (les: er) på besøk sjå Dag Morten og resten av familien. Ein dag var vi ute og sto på ski, noko som enda med eit par blåmerker. Det er ikkje så ofte eg står på ski...

Eg har også prøvd å køyre snøscooter. Heilt åleine. Utan knall og fall. Heldigvis... Det var morosamt, det!

I farta! :P

I går var vi ute og laga snølykter, og eg prøvde å gjenkalle tidlegare speidarkunnskaper då eg kikka opp mot stjernehimmelen. Karlsvogna. Lillebjørn. Cassiopeia. Og plutseleg... eit stjerneskudd.

"...When you wish upon a star..."

På sundag går turen tilbake til Bergen. Studentliv med min gode ven Toro. Og Siri Beate og Kristine, sjølvsagt. ;)

Men no skal eg nyte dei siste dagane i snøkledde Trøndelag saman med ein herleg gjeng!

GODT NYTTÅR! :D

God jul :D

2008-12-25T12:13:00.000+01:00

Pappa pyntar siste rest av juletre. Mamma står over grytene på kjøkkenet. Janne dekker bord. Det er 1. juledag, og huset blir gjort klart til å få middagsgjester på besøk.

Eg nyter juleferien, som allereie har vore proppa av gode opplevingar. Berre sjå her:

Silje kom heim frå Slovenia!

Baking av "julamannar" med Anne Lene, Silje og Marianne!

Hmm, kven kan dette vere? Joda, det er Janne som har farga håret og tatt i bruk linser. FORANDRING FRYDER.

KONSERT MED VOICE OF JOY

Flinke, flinke folk! Eg sat og måpa gjennom store deler av konserten. IMPONERT? Jepp!

Elles kan eg nemne konsert med HANNE KROGH m/fleire, blant anna lille Espen på åtte år som sjarmerte alle i senk. Julaftan var vi hjå mormor og morfar, og stappa i oss ribbe, steik, riskrem og kaker av diverse slag. Og opna pakkar, sjølvsagt. No kjem snart mormor, morfar, farmor, Jarle og Julie på middagsbesøk, og då er det kalkun som står på menyen.

Ha ei fortsatt nyyyydeleg jul! :D

"I dag er det født dere en Frelser i Davids by, han er Messias, Herren."

Kjeme du?

2008-12-23T11:17:00.000+01:00

Trykk på denne linken og sjå kva som skjer:

http://www.frontiernet.net/~jimdandy/specials/xmas.htm

=)

Ferie :D

2008-12-16T12:26:00.000+01:00

Ja, då var eksamen overstått, og om ein og ein halv time sit eg på bussen på veg heim til Karmøy. Eksamensresultata blir lagt ut klokka 4, så det første eg skal gjere når eg kjem heim er å sjekke det, slik at eksamen (forhåpentligvis) er ute av mine tankar.. Og eg kan konsentrere meg om å nyte JULEFERIE! Herleg! :D

"Gled dere i Herren alltid. Igjen vil jeg si: Gled dere!" :)

"Stakkars" meg...

2008-12-14T21:02:00.000+01:00

Eg er lei. Mektig lei. Gørr lei. No er det 2 dagar igjen til eksamen, og eg er stappmett lesing, skriving, matematikk og tørre pedagogar. Og syns så synd på meg sjølv...

Det er over 20 millionar barn på flukt verda over. Berre denne veka har altfor mange menneske omkomme etter tragiske brannar, og mange sit att med sorgen og savnet.

Dette har blitt ein tankevekkar for meg i desse "fæle" eksamenstider... Eg har ikkje lov til å syns synd på meg sjølv. Ein eksamen er faktisk ein mogelegheit. Ein mogelegheit til ålære, og til å bli noko. Og det skal eg vere evig takknemlig for!

Advent i Villa Nordpolen

2008-12-13T11:11:00.000+01:00

I dag har eg opna den 13. luka i kalenderane mine (ja, eg har ei snill mamma som har sendt meg heile TO stk), og det betyr at det er 3 dagar til juleferie og 11 dagar til sjølve Julaften. Eg ser endeleg ljoset i enden av tunnellen!

Nokon vil vel seie at Vygotsky og co burde vore høgare prioritert enn bloggskriving når eksamen er 3 dagar unna, men der kan eg faktisk ikkje seie meg heilt einig. Så her kjem ein liten biletkavalkade (viss det kan kallast det?) over kva som har skjedd i Villa Nordpolen i desse koselege adventstider.

Enjoy!

Mammen min e snille! :D

Pakkekalender!

Besøk av Kine :)

Eller va d Bowler...?

Geni, Ticket to Ride, Harry Potter Cluedo, Fantasi...

I kveld skal eg på cafe med Anne, og etterpå går turen til siste møtet i Salem i år. Gler meg! :D

Eg leve!

2008-12-09T11:04:00.001+01:00

Bloggen min er litt død for tida... Eg beklagar verkeleg! Eg trur det kan ha noko med at eg er midt i eksamenslesing for tida. Og når eg fyrst tar pause frå lesinga er det anten for å vere sosial eller for å kose meg med strikking og julekortlaging. Det er jo SÅÅÅ mykje kjekkare enn eksamenslesing!

Eg tenkte i alle fall eg måtte informere mine lesarar (viss eg har nokon?) om at eg lever i beste velgåande, vel vitande om at om ei veke på denne tida er eksamen overstått (og bestått?) og eg skal heim til familien og venene mine som eg savnar utruleg mykje!

Så no er det berre å fordjupe seg i bøkene att og håpe at tida fram mot 16. desember går F-O-R-T!

Ha ei fortsatt fin adventstid! :D

Det er ikkje berre, berre å ta buss...

2008-11-29T12:11:00.000+01:00

Det erfarte Kristine og eg i går då vi skulle heim frå byen etter å ha vore på Laudatekonsert og nattopent. Etter å ha venta lenge på bussen mens regnet hølja ned, og mens busstoppet blei fullare og fullare av folk, kom omsider bussen og vi klarte å lure oss fremst i køen og kapre oss sitjeplassar, ganske fornøyde med oss sjølve. Bussen var nemleg stappfull. Stappa som sild i tønne. Men så dukka problema opp som perler på ei snor...

Problem 1: Kor er stoppknappen? Etter litt orientering rundt oss fann vi til slutt stoppknappen, og panikken avtok. Litt.

Problem 2: Kva slags utgang skal vi velje? Kristine meinte det var lurast å gå ut framme, medan eg var av ei anna oppfatning og ville prøve meg på utgangen i midten. Der stod det nemleg færre folk i breidden. Trur eg. Etter litt diskusjon blei vi einige om min plan, og no var det berre å håpe at folk flest skulle av bussen før oss. Lite sannsynleg sidan dette var ein busstur på ikkje mange minuttane.

Problem 3: Korleis kome seg fram i mengden, og ut av bussen i tide? Tenk om vi måtte sitje på bussen heeeeilt til Birkelundstoppen, og til byen igjen... Vi såg for oss at vi måtte ta bussen heile natta. Sukk... Så vi bestemte oss for å reise oss eit busstopp tidlegare, kome oss mot utgangen og stå parat til å storme av bussen. Og då stod vi til og med rett ved stoppknappen! Optimismen steig, og då dørene opna seg på busstoppet vårt pilte vi ut bussen og jubelen stod i taket, eventuelt himmelen.

Konklusjon:
- Å ta buss er ikkje alltid like lett.
- Det er ein grunn til at eg foretrekkjer å gå framfor å ta bussen.
- Eg og Kristine er rare. Vi underholdt i alle fall dei som stod rundt oss på bussen...

<3 Vinter <3

2008-11-24T21:54:00.000+01:00

Tidlegare i haust blogga eg om kor mykje eg elskar hausten. No er den vakre hausten forbi for i år, og vinteren har tatt over og kledd Bergen i kvitt. Og no kan eg seie... Eg elskar vinteren!

Eg har hatt besøk av min kjære i helga, og vi har vore ute og gått turar i det knallflotte veret. Kaldt, klårt, så og sei heilt stilt, blå himmel og snø. Herrlich! ;) I går gjekk vi til Tarlebødammer (trur eg...?), det gjekk i alle fall opp, opp, opp... I dag gjekk turen til Fløyen, og undervegs møtte vi på ei søt, lita mus som leita etter mat i den kalde snøen. Og på toppen stod ein pusekatt og ønska oss velkommen.

Eg har hatt ei flott, avslappande helg (+ måndag), og kan vel ikkje akkurat seie eg ser fram til resten av veka. Forelesningar, seminar, framføring, eksamensførebuing... Hurray!

Ha ei fin veke! :)

200 millionar...

2008-11-16T20:26:00.000+01:00

...det er så mange menneske som blir forfulgte fordi dei trur på Jesus. 200 millionar. Menneske som kan risikere fengsel, fangeleir, tortur eller i verste fall dødsstraff på grunn av si tru. 200 millionar menneske som må samlast i skjul, og som må leve i frykt for at myndighetene skal storme huset medan dei har møte. Vidare er det heile 400 millionar menneske som vert trakassert på grunn av si tru på Jesus. I Egypt blir blant anna kristne rangert som annenrangs når dei søkjer på skular og så vidare.

Og her sit eg i Bergen. Byen kryr av synlege menigheter. Salem er ein av dei. Eg vart ufatteleg glad då eg såg alle som hadde tatt turen på møte i går. Til og med galleriet var fullstappa med folk. Vi fekk lovsyngje saman, dele nattverd saman og dele Guds ord saman. Utan å vere redd for at politiet plutseleg skulle storme bygget. Utan frykt for tortur, fengsel eller død.

Ja, eg kan få rare blikk og kommentarar fordi eg er kristen, men sett i perspektiv er dette ingenting i mot kva kristne menneske i andre land må oppleve. Det er urettferdig. Det burde ikkje vere slik. Men kva kan eg gjere?

Be. Eit lite, men kraftfullt ord.

Det er makt i de foldede hender.

I seg selv er de svake og små.

Men mot allmaktens Gud du dem vender,

Han har lovet at svar skal du få.

Det er svar underveis,

engler kommer med bud.

Om det drøyer,
dog fram det skal nå.
For det lovet jo løftenes trofaste Gud:
Kall på meg, og du hjelpen skal få!

Korum lorum snorum bumberibeks

2008-11-16T13:54:00.001+01:00

Det er sundag, og etter ei herleg avslappande helg er eg atter i praksismodus. I morgon står trollramser og trolldikt på planen. Så dersom du meiner det bur ein liten poet i deg, så er det berre å skrive eit lite trolldikt og legge ut som kommentar på bloggen min. Då blir ei lita lærarspire glad! :)

No har me berre ei veke igjen med den snille 3. klassen vår, og eg prøver febrilsk å finne ei forteljing eller eit eventyr som eg kan bruke for å få gjennomført litteraturformidlingsoppgåva mi. Det er jo så utruleg mykje å velje i, og det er akkurat det som er problemet. Eg klarar ikkje å velje. Føreløpig er det "Ali Baba og de 40 røverne" som er den mest aktuelle, men eg tek gjerne i mot tips! Kva slags eventyr eller forteljingar er du glad i?

Nyt siste rest av helga! :)

Helt på helt

2008-11-10T16:49:00.000+01:00

Denne helga har vore fantastisk. Eg har vore i Johanneskyrkja på konsert med 4 av Noregs flinkaste artistar. Dette er mi bedømming, men vent til du høyrer kven, så trur eg du vil seie deg einig i fleire av dei. Sigvart Dagsland. Christine Guldbrandsen. Heine Totland. Nathalie Nordnes. Alle er utruleg flinke på sin måte. Christine Guldbrandsen med sin vakre, magiske stemme. I samspel med piano og cello trylla Nathalie Nordnes fram melankolske melodiar, og vi blei tatt med 200 år tilbake i tid til skipet Caroline og til lands der kvinnene venta på sine kjære. Og sist, men ikkje minst, mine to stoooore heltar, Sigvart og Heine. *Sukk* Sigvart Dagsland har ein magisk og nydeleg stemme, og eg elskar sangane hans. Heine Totland har ein kjempefin stemme, og er utruleg morosam på scenen! Hans tolking av Queens udøydelege "Bohemian Rapsody" blei utan tvil Håp-konsertens høgdepunkt.

Då vi sto i kø i går, fann Kristine, Siri Beate og eg på eit heilt nytt tv-program, nemleg "Helt på helt". Kvar episode vil vi få besøk av våre store musikalske heltar, og etter eit lite intervju blir det sang og konkurransar mellom artistane. På gjestelista står føreløpig: Sigvart Dagsland. Heine Totland. SUM. Westlife. DDE. Jahn Teigen (eller kva, Kristine?). Josh Groban. Dream, dream, dream...

Kven er din helt? Gjestelista vår har plass til mange fleire. ;)

Det ordnar seg for snille jenter!

2008-11-05T22:02:00.000+01:00

I går var eg fortvila. I dag er eg fornøyd! I går var praksis eit ork. I dag er praksis kjekt! Eg byrjar å få tillit til øvingslærar, og i dag har me hatt to vellykka kunst og handverk-timar, der elevane ser ut til å ha storkosa seg. Det er utruleg så fort ting kan snu! :) Fortsetjer det slik, kan det bli ein kjekk praksisperiode! :D

I går fekk eg ikkje sove fordi eg var uroleg, i dag får eg sikkert ikkje sove fordi eg er gira og rastlaus... Fint for meg at vi byrjar ein time seinare i morgon.

Livet er herleg, og snart er det helg! Og helg betyr Sigvart Dagsland-konsert og Håp-konsert!

"Gled dere i Herren alltid, igjen vil jeg si: Gled dere!"

Oppdatering frå praksis

2008-11-04T21:06:00.000+01:00

Andre dag i praksis, og eg føler det har gått ei veke allereie... Det har vore ein heilt grei dag, litt rotete, men elevane har lært noko, og det er det viktigaste! I dag har me vore så heldige å få observere eit par timar i 1. klasse. Det var utruleg koseleg! Det skal så lite til for å engasjere dei. Veldig fascinerande. No er det 1. klasse, 5. klasse og ungdomsskulen som verkar mest freistande... Så får vi sjå kva som skjer.

Før eg legg meg, vil eg vise sokkane eg nemnde i eit tidlegare blogginnlegg. Overraskingssokkane til Siri Beate. I går var dei ferdige, og eg plasserte dei under puta til min kjære sambuar. I dag var sokkane allereie tatt i bruk. :)

Mitt siste prosjekt: Blomster og bier! :)

God natt!

Første dag i praksis

2008-11-03T22:21:00.000+01:00

I dag var årets første praksisdag. Dei neste tre vekene skal Maren, Kristine og eg vere i 3. klasse på Rolland skule. Eg gler meg! Samtidig veit eg at det blir mykje hard jobbing. Men med litt team work, for å seie det på godt norsk, skal me nok overleve.

Det var med blanda kjensler (uuh, fint ord) me kom til skulen i dag tidleg. Me var heilt sikre på at dette kom til å gå rett vest. Det gjorde det då ikkje! Puh... Me hadde planlagt aaaltfor lite, og hadde det ikkje vore for at øvingslærar hadde kommentert dette på førehand hadde vi stått halvvegs uti RLE-timen utan noko å gjere på. Heldigvis ordna det seg, elevane fekk teikne og såg ut til å kose seg. Tema for timen var hinduisme, og det var eg som fekk æren av å innleie dette temaet for elevane. Og utruleg nok, eg overlevde.

Neste time stod eit endå meir spennande tema på planen, nemleg troll. Elevane sat som klistra då vi framførte eit lite gjennomøvd "Bukkene Bruse", som enda som dagens høgdepunkt for min del. Vidare fekk vi prøve ut kroppsspråk og ansiktsuttrykk då vi var alt frå små, søte og rampete babytroll til skikkelege rocketroll. Då trollmor hadde lagt sine elleve (les: 27) små troll, bevega elevane seg i trollbevegelsar til Griegs vakre tonar.

Eg gler meg til praksis. Hardt arbeid vil det bli, men det er verdt det. 3. klasse på Rolland er ein herleg gjeng og eg trur vi skal få det kjekt i lag. I morgon skal vi reise tilbake i dag, og viss vi ikkje blir sitjande fast i steinalderen, kan det hende det dukkar opp eit nytt blogginnlegg i morgon...

God natt, godtfolk! :)

JT + DMB = SANT

2008-11-02T18:43:00.000+01:00

Denne helga har Dag Morten vore på besøk sjå meg i Bergen!

Klar for tur!

Det har vore ei flott helg! Me har stort sett slappa av heime, og i går gjekk vi tur i "Bergen by night". Planen var å gå til Fløyen, men på grunn av ei stk. halvsjuk Janne, gjekk vi heller fjellvegen til sentrum, hand i hand i kjærastevottene. Koseleg! Etter å ha observert ein ambulanse og to brannbilar med blålys og sirener som skulle til brannstasjonen for å parkere (fy, fy), fekk vi til slutt sjå brannbilar med blålys som faktisk var i utrykning. Det brann i eit hus i Proms gate. Det er utruleg så mange brannar som har herja i Bergen i det siste... Då nysgjerrigheten var blitt sånn passe tilfredsstilt, gjekk turen vidare til sentrum, kor vi inntok hamburger og varm chips på ei sjarmerande lita sjappe på Bryggen. Vi kunne sikkert gått og snakka i timasvis til, hadde det ikkje vore for at regnet atter ein gong bestemte seg for å plage oss.

Glad i deg <3

Klokka halv to i dag måtte eg gå åleine heim frå byen, etter å ha fulgt Dag Morten på bussen. Eg liker ikkje at han alltid må reise frå meg.

Vel heime att løfta eg tilfeldigvis (?) på puta i senga mi, og der låg noko som fekk fram smilet mitt. Det skal ikkje meir til. :D

"JT + DMB = SANT"

Kartleggjing og sosiokulturell teori...

2008-10-28T21:43:00.001+01:00

...kan berre gå og leggje seg... Å nei, tenkte du der, no har det klikka for Janne. Skal ho verkeleg blogge om pedagogikk? Det skal eg love deg eg ikkje skal, så du kan puste letta ut. Eg skal ha framlegg om det for den stakkars læringsgruppa mi i morgon, eg tenkjer det får halde. No tenkte eg å blogge om noko litt meir spennande(?), nemleg min store lidenskap strikking!

Kva skal dette bli, mon tru? (sjå biletet nedanfor) Ja, no kan du lure! Dette er nemleg garnet eg bruker for å strikke "hemmelege" sokkar til Siri Beate. Ho veit at eg strikkar til henne, men korleis sokkane blir sjåande ut til slutt er det berre Kristine, Anne og mogelegens (det var eit rart ord) dei som sat i nærleiken av meg på forelesninga i dag som veit... Ein sokk er ferdig, og når nummer to er ferdig skal eg laste opp eit bilete her på bloggen min for å tilfredsstille eventuelle nysgjerrige lesarar. I mellomtida kan du jo alltids gjette kva slags mønster desse sokkane skal få? ;)

"D e sauda på!" var Kristine sin kommentar då ho fekk sjå sokkane eg hadde strikka til onkelungen til Dag Morten. Sokkane er no sendt i posten til vesla sin 3-årsdag. Lettare sjarmert av Kristine si dialekt, her kjem SAUDE-sokkane:

Bæææ!

Neste prosjekt: Leggvarmarar. Kan kome godt med i kulden. Snø i oktober!?!?

Oppdatering frå helga :)

2008-10-28T16:26:00.000+01:00

Byrjar å bli ei stund sidan helg no, men betre seint enn aldri... Denne helga har vore super! På fredag hadde me spelekveld her i Villa Nordpolen, og fekk besøk av Nathalie og Astri. Eg trur samtlege fekk ut lenge oppsamla aggresjon under speling av Ligretto.

Eg skulle akkorat til å byrje å bake boller på laurdagen då telefonen ringde. Det var vår kjære Tonje frå folkehøgskulen som lurte på om me ville ha besøk. Klart me ville! Vi har ikkje sett kvarandre på veldig lenge, så det var kjempekjekt å få besøk. Du er hjarteleg velkommen igjen, Tonje! Seinare var Kristine og eg på møte i Salem, der det var ein messiansk jøde som hadde "andakt".

Etter å ha fått sove ein time ekstra etter å ha stilt klokka (utan å føle meg noko meir opplagd...), kom søndagen, og Kristine, Siri Beate, Vibeke og eg tok turen til Iskanten for å stå på skøyter. Det var utruleg morosamt! Vi prøvde oss også på curling, sjølv om vi ikkje akkurat kunne reglane heilt. Etterpå åt vi på Peppes Pizza, før vi køyrde heim til villaen vår og spelte Kortskalle.

Takk for ei koseleg helg! :)

Happy birthday, mate!

2008-10-26T10:30:00.000+01:00

Hipp hurra for Anne-Sophie så fylle 21 år i dag! Du e ei knallsnåle jenta! Du e hjerteligt velkommen på besøk i Villa Nordpolen når du kjeme him frå varmare strøk! Gla i deg, mårr! :D

Anne-Sophie sin kommentar når u såg dette bildet:

"Fotogen as always"

Så sant, så sant...;)

65 paraplyar og ei skuffe

2008-10-25T22:32:00.000+02:00

Det er mykje rart ein kan finne langs vegen. Det erfarte Kristine og eg i kveld då vi skulle på møte i Salem. På busstoppet og på vegen frå Galleriet til Salem observerte vi minst 65 mildt sagt ubrukelege paraplyar. Nokre fint plassert oppi søppelbøtter, andre henslengt midt på Torgallmenningen, etter å ha tapt ein bitter kamp mot vind og regn.

På eit fortau i nærleiken av odontologen kan du også finne ei skuffe, dersom du skulle trenge det...

Oppdatering frå helga kjem i morgon!

God natt! :)

Romantikk...

2008-10-21T16:01:00.000+02:00

...anten du vil eller ei!

Som mange sikkert har fått med seg har eg ein sterk lidenskap for strikking (eller spøting som det så fint heiter på Vea-mål)! Eg har rett og slett strikkedilla! Det har blant anna klassen min fått erfare i haust, då eg sit på forelesning etter forelesning og strikkar og strikkar... Om eg får med meg det læraren seier er uvisst...

Her kjem nokre bilete frå mitt siste prosjekt... Enjoy!

Kjærestevotter til meg og min kjære!

Min vott!

Dag Morten sin!

Fellesvotten!

No er det berre å vere romantisk, elles må ein av oss fryse på hendene... :P

Og sist, men ikkje minst baksida...:)

Er det ikkje fantastisk?

2008-10-16T18:22:00.000+02:00

For eg er viss på at verken død eller liv, verken englar eller krefter, verken det som no er, eller det som koma skal, eller noka makt, verken det som er i det høge eller i det djupe, eller nokon annan skapning, skal kunna skilja oss frå Guds kjærleik i Kristus Jesus, vår Herre.

Rom. 8, 38-39

"Lykke te på prøven. D klare du nok fint."

2008-10-15T21:26:00.000+02:00

All takk til mamma som sende meg denne meldinga i går morges, noko som sannsynlegvis var årsaken til at eg kom meg opp trass at eg allereie hadde sove meg gjennom tre alarmar. Eg bråvakna då skulebussen køyrde ut frå bystasjonen, skrekkslagen fordi eg visste at i dag skulle eg ha den lenge "etterlengta" (les: haha) forprøven i norsk. Typisk meg å forsove meg på ein slik dag! Eg kom meg opp i ein fart, og kvart på ni sat eg på Knarvik-bussen, og 45 minuttar seinare, var eg i gang med prøven, ein halv time etter dei andre i klassen. Men eg kunne berre tatt det heilt med ro, eg var nemleg ferdig med prøven klokka elleve, før fleire andre som hadde kome til rett tid. Så kanskje eg berre skal fortsetje med å forsove meg til forprøvar? Det kan anbefalast! ;)

Dagen i dag i korte trekk:
* Vakna til første alarm kvart på sju, klokka sju var eg oppe! Tenk!
* Eit veldig givande (les: tjaaa...) fagdidaktisk seminar i forbinding med praksis.
* Forventningar til praksis, som vil innehalde blant anna skumle troll, istid og steinalder. Jippi!
* Barneklubb med foreldre, basar, spente ungar, boller, sjokoladekake og Jesus, verdas lys!
* Lesing av GLSM (Grunnleggjande lese-, skrive- og matematikkopplæring).
* Jabbing i telefonen med min kjære Dag Morten (<3) om den fantastiske(!) hausten, nyare verdshistorie, nynorsk vs. bokmål (heia nynorsk!) osb. Jauda, vi har mykje rart å snakke om...
(PS: I helga skal eg heim, og får besøk av min kjære! Wiii! <3 <3)

No er det kvelden, og eg bør vel tusle i seng om eg skal klare å halde augene oppe under 6 timars GLSM-undervisning i morgon. Jey... (les: snork)

Gute Nacht, meine Freunde! :D

"Gled dere i Herren, alltid. Igjen vil jeg si: Gled dere!" :)

Eg <3 hausten

2008-10-13T21:21:00.001+02:00

Når jeg ser din himmel, et verk av dine fingrer, månen og stjernene som du har satt der, hva er da et menneske, siden du kommer det i hu, et menneskebarn, siden du tar deg av det?

Salme 8, 4-5

Hurra for deg som fyller ditt år :D

2008-10-13T18:47:00.000+02:00

I dag fyller Siri Beate, som eg er så heldig å få bu med, 21 år! Gratulerer med dagen, vennen! No blir det feiring med taco, brownies, is og 71 grader nord! :D

Hæppi bø:rsdej tu: ju:, hæppi bø:rsdej tu: ju:, hæppi bø:rsdej tu: si:ri: be:a:te:, hæppi bø:rsdej tu: ju:! (Syns eg måtte plotta inn litt lydskrift, barra for å visa at eg faktisk har lest te forprøven imårå.)

Bursdagsbarnet på tur på den store dagen!

GRATTLA MED DAJEN, MÅRR! :D

Det beste som fins!

2008-10-12T19:47:00.000+02:00

Omsider er eg tilbake i bloggverda, etter nærare eit år i dvale... Eg skal verkeleg anstrenge meg for å oppretthalde denne bloggen, men eg lovar a-b-s-o-l-u-t-t ingenting!

Denne helga har eg vore leiar på 5. - 7. klasseleir på Solgry. Mottoet for leiren var "Det beste som fins". Og kva er eigentleg det beste som fins? For meg er svaret enkelt: Jesus. Så kan ein jo lure på kvifor ein travel student reiser mest tre timar med buss for å tilbringe ei frihelg saman med 80 sprelske ungar, og 16 meir eller mindre sprudlande leiarar. For det første kosar eg meg saman med ungar, elles hadde eg vel ikkje hatt noko å gjere på lærarskulen. For det andre er det sosialt å reise på leir og ein blir kjend med nye folk. Men den viktigaste grunnen er at eg vil vere med og fortelje om Jesus, slik at desse ungane også kan seie at evangeliet om Jesus er det beste som fins!

"For så høyt har Gud elsket verden, at han gav sin sønn den enbårne, for at hver den som tror på ham ikke skal gå fortapt, men ha evig liv!" Joh. 3, 16